Кривичната пријава против поранешниот премиер Димитар Ковачевски и против поранешниот генерален секретар на владата Методија Димовски, не е отфрлена, соопшти Основното јавно обвинителство.
– Основното јавно обвинителство Скопје во овој предмет постапуваше по поднесени кривични пријави и од Министерството за внатрешни работи и од Управата за финансиска полиција. По сите преземени дејствија од сите надлежни институции во конкретниот случај до овој момент се обезбедија докази кои упатуваат на основано сомнение дека наведените шест лица презеле дејствија со кои исполнуваат обележја на кривичните дела за кои беше поведена постапка. За останатите наводи од пријавите проверките продолжуваат.
Од ОЈО објаснуваат дека Ковачевски и Домовски се пријавени за сосема друг временски период и за други дејствија, а на седницата на 06.06.2023 година кога точка на дневен ред била одлуката за „Лотарија“ претседавал единствено Груби.