На продолжението од судењето за предметот на СЈО „Траекторија“ кој се однесува на изградбата на кинеските патишта, Претседателот на судечкиот совет, Горан Бошевки ги извести присутните дека за 9 аудио-матријали јавноста ќе биде исклучена бидејќи станува збор за приватни разговори, по што јавноста беше отстранета од судницата.
Во судницата останаа обвинетите Никола Груевски, Миле Јанакиески, Владимир Пешевски и Љупчо Георгиевски да ги слушаат бомбите.
Пред паузата обвинителката од СЈО, Лиле Стефанова се согласи за дел од „бомбите“ јавноста да биде исклучена, дел да бидат повлечени, а останатиот дел да бидат пуштени во присуство на јавноста.
За време на паузата поранешниот вицепремиер Пешевски и обвинителката разговаараа за исклучувањето на јавноста во бомбите.
Пешевски на Стефанова и рече дека разговорот не требало да биде пуштен бидејќи двајца министри разговараат за трета држава.
Пешевски и рече на Стефанова, не е добро да се пушти снимката заради држава, на што таа му одговори: „поранешен министре, да беше ситуацијата нормална немаше да бидеме тука. Требало да размислувате кога се снимате.“
Васко Маглешов