Назначени тројца амбасадори, меѓу нив и Фрчковски во Обединети нации

Од:

Назначени се тројца нови амбасадори во три држави. Министерот за надворешни работи, Бујар Османи, посочи дека указот за нивно назначување е потпишан и од претседателот на државата, Стево Пендаровски.

Па така, Агнеса Руси Поповска е назначена за вонреден и ополномоштен амбасадор на Република Македонија во Република Бугарија. Агрон Буџаку за вонреден и ополномоштен амбасадор на Република Македонија во Канада и Љубомир Данаилов Фрчкоски за вонреден и ополномоштен амбасадор на Република Македонија во Организацијата на Обединетите нации.

„Со ова, бројот на пополнети места – амбасадори и генерални конзули, во нашите дипломатско-конзуларни претставништва, за време на мојот мандат се зголеми на 24. Процесот на пополнување на испразнетите амбасадорски места ќе продолжи да биде еден од врвните приоритети на Министерството за надворешни работи“, напиша Бујар Османи.

Би можело да ве интересира

Во МНР отворена Книга на жалост за загинатите во трагедијата во Кочани

Претседателката Сиљановска-Давкова отповика осум амбасадори

МНР: На девет амбасадори им завршува мандатот, неточни се информациите објавени на дел од порталите

Филипче покажа недоволно познавање на меѓународната политика, реагира Министерството за надворешни

МНР: Македонија ја реафирмира цврстата поддршка за Украина и продолжува со осудата на агресијата на Руската Федерација

Македонија ќе добие нови амбасадори во Украина, Јапонија и Хрватска