Полициски службеник бил нападнат утрово во Скопје, при преземање службени дејствија.
Како што информира МВР, инцидентот се случил на паркинг на Средно Водно во 2 часот по полноќ. При преземање службени активности од полициски службеници од Единицата за интервентна полиција (ЕИП) за легитимирање машко лице, лицето почнало да упатува вербални навреди и пцовки, а во еден момент замавнало и со двете раце и удрило полициски службеник во пределот на градниот кош.
По настанот, поради болка во градниот кош полицискиот службеник е однесен во ГОБ „8 Септември“ за укажување за лекарска помош.
Полицијата презема мерки за целосно расчистување на случајот.
