Речиси пет пати пониско од просекот за јануари е нивото на реката Сатеска кај Ботун, а тројно намален е Вардар кај Јегуновце, покажуваат денешните хидролошки мерења.
Според УХМР, 2,5 пати пониско е нивото на Цра Река кај Новаци, а намалени се и водостоите на Вардар кај Скопје и Велес, Треска кај Македонски Брод, Крива Река кај Крива Паланка и Брегалница кај Берово.
Зголемувања бележат Вардар кај Демир Капија, Пчиња кај Катлановска Бања и Црн Дрим кај Ложани.
Нивоата на Охридското, Преспанското и Дојранското езеро се речиси идентични со јануарскиот просек.