Најдобрите ученици од Кочани на бесплатно летување во Хрватска

Од:

Првенците на генерацијата од основните и средните училишта во Кочани заминаа на островот Паг, Република Хрватска каде користат седумдневно бесплатно летување.

Ова е награда од Општина Кочани за успесите постигнати во школувањето. Летувањето на хрватското приморје е резултат на повеќегодишната соработка на збратимените општини Кочани и Крижевци.

– Поаѓајќи од идејата дека контактите и зближувањето на луѓето од двете општини е најважно за одржување на соработката, веќе трета година се реализира идејата за летување на кочанските ученици на Паг и зимување на крижевски ученици на Пониква. Настојуваме двете пријателски општини да ја продлабочуваат соработката во сите сфери, особено во развој на бизнисот на малите и средни претпријатија, како и во образованието и културата, истакна градоначалникот на Кочани, Николчо Илијев.

Покрај вообичаените летни активности, учениците посетуваат познати локации, културно-уметнички институции и настани. Во нивна придружба се претставник од локалната самоуправа на Кочани, како и наставник од ОУ „Раде Кратовче“.

Покрај бесплатното летување, учениците на генерацијата од Кочани како награда од Општината добија и по 6.000 денари.

Би можело да ве интересира

Обвинителството бара замена на мерката „притвор“ со „куќен притвор“ за поранешен министер за економија и државен секретар за трагедијата во Кочани

Најмалку две лица загина во сообраќајка во Хрватска

Сообраќајна несреќа во Хрватска, неколку лица загинаа, има и повредени

„Да се пресече синџирот на криминалот и да се истера правдата“ – порачаа родителите на загинатите во „Пулс“ на протестниот марш во Кочани

Две сестри тргнаа на свадба, починаа во сообраќајка

А1он

(ФОТО) Во сообраќајка загина екс хрватски фудбалер, во друго возило беа неговите сопруга и ќерка

А1он