Дали името на Демачи е ставено во листата на имиња која ја има одобрено Владата? Ако не е тогаш преименувањето е ништовно. Однесувањето на Курти е еднакво на бугарските асимилационисти и од Македонија прави непријател на Косово вели професорката Мирјана Најчевска во објава на социјалните мрежи, а во врска со преименувањето на улицата „Втора македонска бригада“ во „Адем Демачи“ како и поради дочекот на Албин Курти во Тетово каде имаше знаме со голема Албанија.
– Македонските политички субјекти кои го користат Курти за подигање на сопствениот рејтинг се претставуваат како екстремни националисти кои не можат да бидат дел од изградбата на европска Македонија. А да ја потсетам СДСМ дека се на власт 7 години и дека секој ден покажуваат дека немаат појма што да прават на таа позиција вели Најчевска во објава на социјалните мрежи.
За настаните во Чаир и во Тетово реагираа и кабинетот на премиерот Димитар Ковачевски, претседателот Стево Пендаровски и ВМРО-ДПМНЕ.