Директорот на Театарот за деца и млади, Братислав Димитров, професорот Димитар Мирчев, доктор Баки Бакиу, Џабир Ахмети, актерката Јелена Жугиќ, архитектот Јован Стефановски-Жан, Поликсена Илиоска, Гордана Петрушевска, Стојна Вангеловска, Игор Стефановски и Марко Младеновски се добитници на годинешната награда „13 Ноември“ која ја доделува Град Скопје.
Оваа награда се доделува за остварувања, во стопанството, науката, уметноста, културата, воспитанието и образованието, здравствената и социјалната заштита, спортот и физичка култура, техничката култура, заштита и унапредувањето на животната средина и природата, како и во други сегменти на животот, трудот и творештвото, што претставуваат посебен придонес за развојот на градот Скопје и за неговиот севкупен напредок и афирмација во Република Македонија и во светот.