38-годишен измамник од тетовското село Желино успеал да одземе автомобил за кој требало да изврши градежни работи, без да ги изврши работите. Вработена во нотарска канцеларија помогнала во измамата, велат од полицијата.
„Во Полициската станица Тетово, 55-годишен жител на тетовско село пријавил дека бил измамен од Р.В.(38) од с.Желино, тетовско. Според пријавеното, тие пред нотар во Тетово склучиле договор пријавениот да му изврши градежни работи, а за возврат му било дадено патничко возило „фолксваген туарег“ во вредност од 12.000 евра, а градежните работи чинеле 10.000 евра,“ се вели во полициското соопштение.
„Како што е пријавено, во договорот стоело дека Р.В. не смее да го отуѓува возилото додека не ги изврши градежните работи, но тој ниту ги извршил градежните работи, а со помош на вработена кај нотарот го отуѓил возилото,“ велат од полицијата, додавајќи дека се преземаат мерки за расчистување на случајот.