Министерот за здравство Венко Филипче вечерва информираше и за низа измени на Правилникот на Фондот за здравствено осигурување, а со цел поефикасно справување и заштита од коронавирусот.
Тој рече дека хроничната терапија ќе може да ја продолжува и матичниот лекар и истата ќе може да ја издава и за период повеќе од 6 месеци.
Понатаму, од дејноста на стоматологијата, ќе се пружаат само услуги само за итни случаи со оглед на техниката, методологијата на работа и опасноста од ширење на болеста, бидејќи станува збор за болести на устата.
Издавањето и заверката на ортопедските помагала, информираше Филипче, ќе ја вршат матичните лекари, што значи дека повеќе нема да треба физички да се оди во подрачните единици на Фондот за оваа намена.
