На граничниот премин Дојран на македонско-грчката граница за влез и излез од државата се чека од 30 до 60 минути, соопшти Авто мото сојузот на Македонија.
Поради штрајкот на грчките земјоделци, граничниот премин Евзони е затворен за сообраќај, а на останатите гранични премини нема задржувања подолги од половина час за влез и излез од државата.
Авто мото сојузот на Македонија информира дека поради врнежите од дожд сообраќајот на патиштата низ државата се одвива по влажни коловози, а врнежи од слаб снег има само на Попова Шапка, но засега тие не предизвикуваат проблеми во сообраќајот.