Министерството за земјоделство, шумарство и водостопанство во пишаната реакција на денешната изјава на лидерот на СДСМ Зоран Заев во Ресен, наведува дека за сите предизвици и проблеми оваа Влада и министерство презема и ќе презема соодветни мерки.
– Ќе потсетиме дека Вадата и министерството, секогаш реагираат кога има нарушување на пазарот, кога има штети од временски непогоди и секоја година исплаќа директни субвенции од скоро 93 милиони денари на 2.780 овоштари од Ресен. Оваа Влада преку своите проектот за привлекување на странски инвестиции овозможи во Ресен да се изгради најсовремен откупно-дистрибутивен центар за јаболко „Ејпл Ленд“ со вредност од околу 5 милиони евра и со складишен капацитет од 5.000 тони. Исплатата преку договори и трансакциски сметки да потсетиме е во интерес на земјоделците кои претходно, многу често беа манипулирани од трговците и накупците кои им го земаа родот, а парите никогаш не им ги исплатија, се вели во соопштението.
Дека состојбата со јаболкопроизводството оди во нагорна линија, според МЗШВ, е и фактот што се подигнуваат нови насади со продуктивни сорти јаболко, а овоштарите од Ресен се лидери во искористувањето на средствата од ИПАРД фондовите.
– Сето ова за претходните влади беше само сон. Оваа Влада не се обврзува, како што изјавува претседателот на СДСМ Зоран Заев, туку веќе обезбедува соодветна законска заштита на овоштарите, стои во соопштението.