На регионалниот пат Удово – Демир Капија, кај место викано „Раскрсница Удово“, вчера околу 19 часoт полициски службеници го уапсија М.С.(22) од село Желино, тетовско и А.Џ.(20) од Тетово.
Тој се сомничи дека со возило „мерцедес“ превезувал 10 лица мигранти од Сирија, а М.С. со патничко возило „мерцедес“ бил претходница на возилото на А.Џ..
„Околу 16.20 часот на автопатот А1, кај клучка Смоквица, полициски службеници дале знак за запирање на возилото „мерцедес“ со словачки национални ознаки, но возачот не застанал и продолжил со движење. Набргу, кај место викано „Раскрсница Миравци“ возачот изгубил контрола, излетал од коловозот, по што побегнал. Притоа, во возилото биле пронајдени 10 лица мигранти од Сирија, кои биле смeстени во Прифатно – транзитен центар Винојуг во Гевгелија за понатамошна постапка.
По преземени мерки, во 19.20 часот кај Удово, лицата биле пронајдени и лишени од слобода, а по целосно документирање на случајот против нив ќе биде поднесена соодветна пријава“, велат од МВР.