СВР Скопје го расчисти убиството кое вчера околу 15 часот во скопската населба Шуто Оризари го изврши Н.А. (38) од Скопје, кој при семејна расправија со нож ја уби својата невенчана сопруга Р.А. (36) од Скопје.
Откако ја убил Р.А., се дал во бегство, но по преземени мерки и активности, тој е уапсен при обид да ја помине државната граница на ГП Табановце.
„На местото на настанот е извршен увид во присуство на Јавен обвинител и обдуценти од Институтот за судска медицина и криминалистика, по што телото на починатата е пренесено на ИСМК за обдукција. Дополнително, утврден е идентитетот на Д.С. (32), кој му помогнал на сторителот и го превезол до ГП Табановце, а му помогнал и да ја фрли облеката што сторителот ја носел во време на извршувањето на кривичното дело, која потоа од страна на полициските службеници е пронајдена и подигната за вештачење, а Д.С. е лишен од слобода. Исто така, пронајден е и ножот со кој сторителот го извршил кривичното дело. По обезбедување на доказниот материјал, од страна на Единицата за насилен криминал при СВР Скопје до ОЈО Скопје поднесена е кривична пријава во итна постапка против Н.А. за кривично дело “Убиство” и против Д.С. за кривично дело “Помагање на сторител по извршено кривично дело”, велат од МВР.