МВР: Комплетно разбиена групата терористи, пронајдени 14 тела

Од:

Операцијата за разбивање на терористичката група во кумановската „Дива Населба“ е завршена.

Групата која беше стационирана во неколку објекти и преставуваше закана по безбедноста на граѓаните на Република Македонија е целосно неутрализирана и елиминирана, изјави портпаролот на Министерството за внатрешни работи Иво Котески.

Според сомненијата, како што информира Котески, лидери на групата се озлогласените Мухамед Красниќи т.н. Малишева, Мирсад Ндрецај т.н. командант Нато, Сами Укшини т.н. командант Соколи, Бег Ризај алијас командант Бегу и Дем Шеху, алијас Јунику, сите косовски државјани.

На лице место досега се пронајдени 14 тела во униформи чиј идентитет дополнително ќе се утврдува. Засега е препознаен Џафер Зумбери од Џаковица.

– Во моментов не може да се исклучи дека има и други загинати терористи со оглед на фактот што објектите од кои ја напаѓаа полицијата се значително оштетени и можно е во други простории кои дополнително треба да се проверат да има други тела, рече Котески.

Информира дека е пронајден голем арсенал оружје кој ќе биде предаден на вештачење. Вчера, додаде, на полициските сили им се предале повеќе од 30 терористи, главно македонски државјани но и еден албански.

Портпаролот на МВР потврди дека во акцијата загинаа осуммина полицајци и се повредени над 37.

Информира и дека засега нема податоци за евентуални жртви од цивилното население.

Би можело да ве интересира

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он

Пораст на измами за сообраќајни прекршоци, МВР апелира на внимателност

Притвор и мерки за претпазливост за осомничените за перење пари и изнуда во Куманово

Јанев за акцијата во Куманово: Криминалната група дејствувала повеќе од пет години