Мухамед Зеќири осомничен за злоупотреби во Владата, побаран притвор

Од:

Јавен обвинител од Основното јавно обвинителство за гонење на организиран криминал и корупција донесе Наредба за спроведување на истражна постапка против двајца хрватски државјани и еден државјанин на РСМ. А1он дознава дека се работи за генералниот секретар во Владата, Мухамед Зекири.

dobivaj vesti na viber

Според опишаните дејствија во наредбата, постои основано сомнение дека првоосомничениот – висок функционер во Владата на РСМ во својство на службено лице сторил кривично дело Злоупотреба на службената положба и овластување од чл.353 ст.5 в.в. ст.3 в.в. ст.1 од КЗ на РМ, за што му помогнале останатите двајца осомничени.

Во периодот од месец април 2021 година до месец јануари 2022 година, со искористување на својата службена положба првоосомничениот без спроведување на соодветна постапка за јавна набавка, склучил договор за консултантски услуги со правно лице во што со умисла му помогнале осомничените хрватски државјани. Со преземените дејствија осомничените за правното лице прибавиле значителна противправна имотна корист во вкупна вредност од 57.932.100,00 денари, а на штета на Буџетот на Р.Северна Македонија. Износ што бил поголем од 795.000 евра, односно од договорениот износ за вршење на консултантските услуги.

Ценејќи дека постои реална опасност осомничените да се дадат во бегство, дотолку повеќе што двајца се странски државјани, ако се има предвид кривичното дело што им се става на товар, како и опасност доколку осомничените се бранат од слобода да ги уништат трагите или да влијаат врз потенцијалните сведоци или да го повторат делото, јавниот обвинител до Судијата на претходна постапка при Основниот кривичен суд Скопје ќе поднесе предлог за определување на мерка притвор за тројцата осомничени.​

Би можело да ве интересира

Мухамед Зеќири седнува на обвинителна клупа, судот го одобри обвинението

Кристијан Ландов

Обвинение за Зеќири: Го оштетил буџетот за скоро 1,5 милиони евра кои завршиле во приватни фирми

Кристијан Ландов

Заврши истрагата за Зеќири и тендерите, екссекретарот на чекор до седнување на обвинителна клупа

Кристијан Ландов

(ВИДЕО) Зеќири против Рашковски за софтверот: Владата не изрекува сообраќајни казни

Кристијан Ландов

Во Словенија е уапсен Хрватот, управител на фирмата каде Зеќири исплаќал државни пари

Кристијан Ландов

Зеќири оздраве истиот ден кога Апелација реши да излезе од затворот во Шутка

Кристијан Ландов