Министерот за надворешни работи и надворешна трговија Тимчо Муцунски ја поздравува акцијата на американските власти за заробување на венецуелскиот претседател Николас Мадуро и неговата сопруга.
Муцунски, во објава на неговиот профил на социјалната мрежа Икс вели дека е за поздравување тоа што Мадуро е уапсен и ќе се соочи со правдата.
I welcome @POTUS Donald Trump’s announcement that Nicolás Maduro has been arrested and will face justice.
I also commend @SecRubio for his leadership in confronting the Maduro regime’s narco-criminal networks.
Accountability matters. We stand with the 🇺🇸 United States and the…
— Timco Mucunski (@TimcoMucunski) January 3, 2026
„Ја поздравувам објавата на Доналд Трамп дека Николас Мадуро е уапсен и ќе се соочи со правдата“, пишува Муцунски.
Тој, исто така, упатува пофални зборови и за државниот секретар Марко Рубио за, како што вели, неговото лидерство во соочувањето со нарко-криминалните мрежи на режимот на Мадуро.
„Одговорноста е важна. Ние стоиме зад Соединетите Американски Држави и венецуелскиот народ за слобода и демократија“, напиша Муцунски.
Претходно, акцијата ја поздрави и косовската претседателка Вјоса Османи.