Муцунски на средба со Кос: Владата целосно посветена на напредок во интегративниот процес

Од:

Текот на пристапниот процес, реформската агенда на државата, како и за имплементацијата на Планот за раст биле теми на денешната средба во Брисел на министерот за надворешни работи и надворешна трговија, Тимчо Муцунски со еврокомесарката за проширување, Марта Кос.

Муцунски, како што соопшти МНРиНТ, поздравувајќи ја конструктивната и отворена соработка со Европската комисија и нејзините служби, нагласил дека Владата останува целосно ангажирана во остварувањето напредок во интегративниот процес и целосно мобилизирана во исполнувањето на ЕУ реформите и преземените обврски во рамки на Реформската агенда.

Во таа насока бил поздравен и напредокот во повеќе иницијативи што носат конкретни придобивки за граѓаните и економијата, како пристапувањето кон Единствената европска платежна област (СЕПА) и активностите за усогласување со роаминг правилата на ЕУ.

Во разговорот биле отворени и повеќе други актуелни прашања од делот на секторската соработка со Унијата, со фокус на економската интеграција и поврзаноста.

Претходно во текот на денот, министерот Муцунски одржа брифинг со претставниците на земјите членки во Работната група за проширување при Советот на Европската Унија (КОЕЛА), на кој ја реафирмирал посветеноста на Владата кон европскиот пат, со фокус на испорачување конкретни реформски резултати за подобрување на животот на граѓаните и натамошно усогласување со стандардите на ЕУ.

Муцунски, се наведува во соопштението, направил пресек на тековните активности што Владата ги презема за забрзување на интегративниот процес, нагласувајќи ја неопходноста од јасен, предвидлив и на заслуги заснован пристапен процес, како заеднички интерес и за земјите кандидати и за земјите членки.

Би можело да ве интересира

Марта Кос одржа почетни разговори со „Студентската листа“ во Брисел

ЕК воведува три новини во Пакетот за проширување – патокази, постепена интеграција и безбедносен фокус

Кос: Извештајот за проширувањето содржи 3 нови елементи, Србија има шанса за нов почеток

Кос повтори: Македонија треба да ја исполни обврската за завршување на уставните измени

Муцунски за „Ива Михајлова“: Непристојно е земја членка на ЕУ да станува прибежиште за осудени лица

Бланар: Словачка е против какви било двојни стандарди во пристапувањето кон Европската Унија