Уредникот на информативната програма на МТВ, Горан Петрески, се извини за веста на јавниот сервис од саботата- „дека во Солун починал грчки државјанин со македонско потекло, по нападот од членовите на ултра- националистичката „Златна Зора“, објави Алфа телевизија.
Доколку оцени јавноста, вели тој, подготвен е и да ја превземе целосната одговорност, односно да се повлече од позицијата на која застана неодамна.
„Jа прифаќам грешката што си дозволивме да објавиме информација што се темелеше на два односно три извора- електронските изданија на Македонска Нација и Македонска Зора, која за МТВ ја потврди претседателот на СМК- Тодор Петров. Требаше информацијата да ја потврдиме и од трет независен извор. Во оваа пригода им се извинувам на гледачите за забуната и паниката која што ја предизвикавме. Во 21 година независност на оваа држава се случуваа авионски несреќи и други различни трагедии и никому за тоа не му фали влакно на главата. Но ако јавноста цени дека е потребно за развојот на демократијата и медиумите, јас сум подготвен да ја превземам целосната одговорност за случајот“, изјави за АЛФА, уредникот на информативната програма на МТВ, Горан Петрески.