Ниту лидерот, ниту раководството, а во никој случај членството не е наследник на имотот на ВМРО-ДПМНЕ.
Во статутот на партијата, во член 50 јасно е наведено: Во случај на престанок на партијата, нејзиниот имот преминува во сопственост на Македонската православна црква.
Партијата, важи за една од најбогатите во Европа, покажа истражувањето на СКУП – центарот за истражувачко новинарство.
Партијата поседува 93 имотни листови во кои е запишана вкупна површина поголема од 33.000 метри квадратни. Вкупната вредност на имотот на ВМРО-ДПМНЕ се проценува на околу 60 милиони евра.
Барокното здание во кое е сместено седиштето во центарот на Скопје вреди околу 40 милиони евра.
Партијата инаку најмногу се збогатила од 2006 година, кога Никола Груевски стана премиер на Македонија.
За споредба, Христијанско Демократската Унија на Ангела Меркел во Германија поседува имот од 50 милиони евра, додека Лабуристичката и Конзервативната партија во Велика Британија заедно, не поседуваат поголем имот од 20 милиони фунти.
Државната комисијата за спречување на корупција и Јавното обвинителство го „преспаа“ новинарското прашање дали ќе го испитаат потеклото на парите.
Не знае ниту „земното“ богатство на МПЦ. Но може и убаво да се офајдат од евентуален престанок на партијата или со разни игри за алиби за да останат парите во фамилијата.