МОН: Внимателен избор на туристичките оператори за ученички екскурзии

Од:

Министерството за образование и наука достави укажување до сите основни и средни училишта да бидат особено внимателни кога избираат туристички оператори кои ќе бидат ангажирани за реализација на екскурзиите на учениците, кои се составен дел од воспитно-образовниот процес.

МОН информираше дека укажувањето е доставено со оглед на „последните случувања, односно сообраќајната несреќа со фатални последици по животот и последици по здравјето на повеќе наши сограѓани“.

Во дописот до училиштата особен акцент е ставен на почитувањето и доследна примена на одредбите од правилниците за организирање на ученичките екскурзии во кои, нагласува МОН, јасно и прецизно се уредени условите и критериумите кои правните субјекти, односно туристичките оператори, треба да ги исполнат и тоа да го докажат со достава на соодветна документација при пријавувањето на јавен повик.

-Посебно внимание е потребно да се посвети на исполнетоста на условите за превоз на групи деца во согласност со Законот за безбедност на сообраќајот на патиштата и Правилникот за посебни технички барања на возилата со кои се превезуваат групи деца. Во интерес на учениците и подигнување на степенот на нивната безбедност и заштита, училиштата имаат можност да ги контактираат сите надлежни институции и органи доколку се појави потреба за какви било дополнителни консултации и сугестии, наведува МОН.

Би можело да ве интересира

Донесени законите за основно образование и за наставници и стручни соработници во основните и средни училишта

Ана Ололовска

Јавна расправа во Собранието за Предлог законот за основното образование

Ана Ололовска

Адеми: Не сум заинтересиран за козметичка туку за суштинска реформа на образованието

Ана Ололовска

Адеми: Известувањето за сведителствата е согласно уставните одредби

Ана Ололовска

Министерство за образование: Нема да дозволиме ниеден ученик да остане на улица

Ана Ололовска

Адеми: Преговараме со Светска банка за подобри услови во основните училишта