МОН: Свети Николе ќе добие современо стручно училиште и подобри услови за сместување на учениците

Од:

Со инвестиција од 25 милиони денари од Министерството за образование и наука, Свети Николе ќе добие современо стручно училиште и многу подобри услови за сместување на учениците кои доаѓаат таму да го завршат средното образование.

Како што соопшти Министерстворо за образование и наука, министерката Мила Царовска и градоначалникот Сашо Велковски денеска го посетија СОУ „Кочо Рацин“ каде што е во тек целосна реконструкција на училишната зграда и ученичкиот дом што функционира во состав на училиштето.

– Со оваа капитална инвестиција, покрај тоа што обезбедуваме одлични услови на учениците за одвивање на наставата, истовремено ги поттикнуваме да се запишуваат во средното стручно образование кое нуди можности за побрзо вработување. Стручните кадри се од суштинско значење за успешно функционирање и напредок на компаниите и за таа цел МОН продолжува во соработка со локалните самоуправи и стопанските комори да го јакне и унапредува стручното образование, изјави Царовска.

Таа посочи дека покрај воведувањето квалитетни и современи наставни програми со кои се унапредува средното стручно образование, во изминатиот период забрзано се работи и на подобрување на условите во училиштата, преку проширување, изградба, реконструкција и опремување со современи кабинети и опрема на училишните згради.

Реконструкцијата на училиштето и ученичкиот дом е почната кон крајот на април и е предвидено да заврши во октомври годинава.

Како што информира МОН, реконструкцијата опфаќа обновување на електрична инсталација, внатрешно уредување на собите, тоалети, прозорци, врати, подови, канализација, водоинсталација и парно греење во домот, како и реконструкција на покривот и училниците.

Би можело да ве интересира

МОН: Повторени конкурсите за стипендии за ученици во дуални паралелки и во тригодишно стручно образование

Ана Ололовска

Во АСУЦ „Боро Петрушевски“ почна имплементација на ПИСА тестирањето

Ана Ололовска

МОН: Преку политиките на стипендирање студенти обезбедуваме зголемена финансиска поддршка и за младите од регионот со потекло од РСМ

Ана Ололовска

Предупредувачки бојкот на наставата на ученици од четврто одделение во Тетовско

Катерина Павлова-Николовска

Заев, Николовски и Царовска ја пуштија во употреба спортската сала во Лозово

Ана Ололовска

Царовска на координативен состанок со директорите на училиштата: Важно е да се почитуваат заштитните мерки за училиштата да останат безбедни

А1он