МОН со препорака за скратени часови и со насоки за заштита на учениците од високите температури

Од:

Основните училишта да продолжат да ја реализираат наставата со скратени наставни часови, но да се внимава да се запази суштината на наставната материја која се изучува, соопшти Министертството за образование и наука во врска со високите температури во земјава и обврската на основците до 17 јуни да следат настава од учебната 2023/2024 година.

Во соопштение до медиумите, МОН наведе и неколку препораки за заштита на учениците од топлото време – училниците и другите простории кои се користат во училиштето постојано да се проветруваат, учениците да се поттикнуваат и да им се овозможи да консумираат поголемо количество вода и за време на училишниот ден да не консумираат масна и храна што содржи поголемо количество шеќери.

-Овие препораки се дел од Општите препораки за заштита од топлотен бран на центрите за јавно здравје, а согласно Здраствениот акциски план за превенирање на последиците од топлотните бранови врз здравјето на граѓаните на Република Северна Македонија, информираше Министерство за образование и наука.

Би можело да ве интересира

Топло и ветровито, попладне локална нестабилност, од вторник пад на температурата

Сончево и многу топло, до 42 степена

Грција донесе итни мерки поради екстремните температури

Портокалово ниво за опасност од високи температури, промена на времето од петок

Владата со препораки за топлотниот бран

Горан Наумовски

Портокалов аларм, температури и над 40 степени, во Скопје зголемен број колапси на јавни места