МОН: Се интензивира дебатата за реформата, Царовска неделава на средби со различни групи

Од:

Министерката за образование и наука Мила Царовска, претставници на МОН и Бирото за развој на образование неделава ги интензивираат дебатите за нацрт-концепцијата за основно образование. Во текот на оваа недела секој ден се организираат средби и дебати со различни групи, а целта е преку широк консултативен процес да се донесе образовна реформа во најдобар интерес на децата, соопшти Министерство за образование и наука.

Како што информира МОН, Царовска в среда ќе присуствува на средба со директорите на училиштата, во четврток со наставници, а в петок со членови на МАНУ.

Јавната дебата за новата концепција почна во средината на декември и ќе продолжи во наредниот период. Од досегашните дебати, како што информира Министетството, произлегле низа конструктивни и корисни предлози и коментари и досега активно се вклучиле претставници од сите релевантни институции, универзитетски професори, над 4000 наставници, но и ученици и родители.

– Во дебатата од самиот почеток се вклучени раководството на СОНК, меѓународни организации и институции како УНИЦЕФ, Светска банка, УСАИД, Британска и Швајцарска амбасада и Делегацијата на ЕУ и ЗЕЛС. Сите изразија поддршка, затоа што реформите треба да резултираат со квалитетно основно образование. Одржани се и онлајн-конференции со професори, наставници, претставници на ликовната, музичката и драмската дејност. Реализирани се средби и дебати со студентското собрание и професори на ПМФ, наведува МОН во соопштението.

МОН потсетува дека до среда, 20 јануари, секој има можност по електронска пошта да достави забелешки, коментари и предлози за концепцијата којашто е објавена на веб- страницата на МОН.

– Досега се пристигнати значителен број на конструктивни предлози и коментари кои ќе бидат земени предвид. Новата концепција е дел од Стратегијата на МОН за 2018-2025 година, предвидена е со Законот за основно образование донесен пред една година и е дел од владината програма, додава МОН.

Би можело да ве интересира

Нема евиденција дали 140 денари за оброк завршиле кај студентите, МОН исплаќал пари без утврдени легла во домовите, покажа ревизијата

Орце Костов

МОН за протестот на универзитетите: Ако постои волја во Собранието за колективен договор, ние ќе учествуваме во преговорите

МОН: Наместо на политички игри во училиштата, општина Тетово да се фокусира на квалитетна настава

„Министерката ми се закани дека ќе ме избрка“: Советничка во МОН била вознемирувана од Шаќири и Царовска

Орце Костов

Студентите најавија протест: „МОН не ни исплати стипендии кои ни требаат да запишеме семестар“

Орце Костов

Ректоратот бара, МОН ветува дека нема да се зголеми партиципацијата за студентите

Орце Костов