МОН го осуди организирањето на ученици во политички цели во ОУ „Мустафа Кемал Ататурк“ во Гостивар

Од:

Министерството за образование и наука денеска преку соопштение го осуди настанот што се случи во основното училиште „Мустафа Кемал Ататурк“ во Гостивар каде ученици во придружба на наставниците и персоналот од училиштето стојат под турско знаме и упатуваат војнички поздрав.

– Политиката е неприфатлива во образованиот процес, затоа што го оневозможува овој процес да ги постигне основните цели поради кои се организира – стекнување квалитетно знаење и воспитување на учениците согласно основните општествени и човечки вредности и морални и етички норми. Оттука, законската регулатива отсекогаш го забранувала политичкото организирање и дејствување во училиштата кое соодветно се санкционира, велат од МОН.

Оттаму информираат дека Државниот просветен инспекторат соодветно ќе постапи и ќе одлучи согласно констатираното за време на надзорот.

– Ги повикуваме менаџментите на училиштата, вклучително и на ОУ „М. К. Ататурк“ да се воздружуваат и да спречуваат организирање на било какви активности кои имаат политичка позадина и испраќаат политичка порака, се наведува во соопштението на МОН.

Би можело да ве интересира

Адеми: Инвестирањето во децата е наш главен приоритет

Ана Ололовска

НАкС: Образованието и науката се поважни од коцкарници и трговски центри

А1он

Испитите и колоквиумите на факултетите може да се организираат електронски, но не и со физичко присуство

Кристијан Ландов

ВИДЕО: Владата ќе доделува ваучери од 3.000 до 30.000 денари за младите

Кристијан Ландов

Државна матура нема, учениците нема да се вратат во клупите, учебната година ќе ја завршат онлајн

Ана Ололовска

Адеми бара пролонгирање на уписите во основно образование, родителите не можат да обезбедат здравствени потврди

Кристијан Ландов