На новинарско прашање во врска со ставот на ВМРО-ДПМНЕ за референдумот, еврокомесарката за безбедност и надворешна политика, Федерика Могерини изјави дека не е нејзина улога да се меша во внатрешните работи на земјата, но повика сите да го искористат правото на глас.
– Одговорност ми е да ги повикам сите да го искористат своето демократско право. Никому не сакам да кажувам дали да гласа „за“ или „против“, но морам да кажам дека демократијата е бесценета работа. Вие имате можност да дадете форма на вашата земја. Подоцна ќе биде многу тешко, дека не сте направиле доволно. Јас се надевам дека вашите граѓани ќе излезат и ќе ја изразат својата волја, рече Могерини.
Таа истакна дека Македонија долги години седеше надвор од ЕУ и поради тоа има фрустрации кај народот, но сега има можност за решавање на прашањата кои ни стојат на патот.
