Управата за јавни приходи (УЈП) денеска ќе постави Мобилни даночни шалтери пред зградата на Општина Аеродром.
Преку опремено комбе како даночна канцеларија, граѓаните и фирмите без да го напуштат своето место на живеење/седиште, ќе имаат можност да ги добијат сите даночни услуги и информации, да ги достават сите видови даночни пријави и да ги подигнат сите документи што ги издава УЈП.
Како што соопшти општина Аеродром, целта на оваа активност е олеснување на даночната процедура, заштеда на време и трошоци за исполнување на даночните обврски и обезбедување брз и лесен пристап до даночните услуги за граѓаните.