Четиринаесет млади луѓе од Берово и еден од Пехчево, на возраст од 21 до 38 години, организирале и биле дел од забава во угостителски објект во Берово, соопшти полицијата.
Петнаесеттемина учесници на журката, но и угостителскиот објект, заработија кривични пријави, поради постоење основи на сомнение дека сториле кривично дело „непостапување според здравствените прописи за време на епидемија“, согласно член 206 став 1 од Кривичниот законик.
Според информациите на СВР-Штип, пријавените на 17 јануари, околу 18.25 часот во просториите на правниот субјект во Берово организирале и зеле учество на прослава во затворен простор, со што за време на епидемија не се придржувале според прописите и наредбите со кои се определуваат мерки за нејзино сузбивање или спречување.