Митев од штипската ветеринарна станица: Ќе ги тужиме невладините за клевета, кучињата се живи и здрави

Од:

По обвинувањата на три невладини здуженија за заштита на животните дека во штипскиот стационар се усмртени две кучиња без преглед и тестирања, директорот на ветеринарната станица, Крсто Митев, изјави за „А1он“ дека тоа е лажна вест и дека кучињата се истретирани и сместени во стационарот.

Митев најави дека ќе поднесе тужба за клевета против трите здруженија „Шепасти ентузијасти“,Про анима“ и „Кане корзо надеж“, кои на социјалните мрежи пуштиле фотографии од заловување на куче и обвиниле дека кучето е еутанизирано. Митев до редакција на „А1он“, испрати фотографии од двете кучиња за кои активистите тврдеа дека се убиени.

„Срамно е ова што го прават. Шират дезинформации во јавноста. Двете кучиња за кои тврдат дека се убиени се тука, во стационарот, прегледани и истретирани. Не знам која им е целта, но не е во ред, на овој начин да ‘оцрнуваат’ институција која си работи по прописи и закони. Ве повикувам да дојдете и да се уверите во каква состојба се кучињата. Најостро демантирам дека персоналот, на чело со мене, работи спротивно на правилникот“, изјави директорот на штипската ветеринарна станица, Крсто Митев.

За стационарот за кучиња, надлежна е Ветеринарната станица Штип, која добила на тендер да се грижи за здравјето и условите на кучињата кои престојуваат таму. Невладини активисти и претходно алармираа дека условите во стационарот се нехумани и кучињата не ја добиваат соодветната нега, но и тогаш од ветеринарната станица демантираа дека нивните обвинувања не се точни.

Би можело да ве интересира

Глувчовидниот елен виден првпат по минатиот век

Ана Ололовска

И дрон во потрага по бикот Џери, кој избега од кланица

Ана Ололовска

ВИДЕО: Семејна драма во Штип , извршител ги исфрли од куќата

Татјана Ташкова

Ослободени белоглавите мршојадци Сунчица и Светислав кои беа најдени изнемоштени

Ана Ололовска

ВИДЕО: Маринела Тушева објави видео од запалените возила на нејзиниот брат и нејзиниот татко

Ана Ололовска

Запалени возилата на братот и таткото на поранешната пратеничка на СДСМ, Маринела Тушева

Ана Ололовска