Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата

Од:

Претседателите на Европската комисија и на Советот на ЕУ, Урсула фон дер Лајен и Шарл Мишел упатија честитки до претседателката Гордана Сиљановска Давкова по повод нејзиното официјално стапување на претседателската функција, нагласувајќи ја определбата за соработка во продолжување на европскиот пат на земјата.

– Честитки Гордана Сиљановска-Давкова, првата жена претседател на Северна Македонија. Вашето лидерство доаѓа во клучен момент, додека вашата земја ги унапредува своите реформи и продолжува на патот кон ЕУ. Со нетрпение очекувам да соработувам со вас, наведе Фон дер Лајен во објава на Икс.

Честитки, како што наведе, до новата претседателка на Северна Македонија, Гордана Сиљановска Давкова, преку платформата Икс упати и Мишел.

– Со нетрпение очекувам да соработувам со вас на унапредување на патот на Северна Македонија кон ЕУ, преку спроведување на реформите и обврските. Иднината на Северна Македонија и Западниот Балкан е во ЕУ, наведе Мишел во објавата.

Фон дер Лајен во посебна објава на Икс порача и дека „за Северна Македонија да го продолжи својот успешен пат кон пристапувањето во ЕУ, најважно е земјата да продолжи по патот на реформите и целосно почитување на нејзините обврзувачки договори, вклучително и Договорот од Преспа.

Би можело да ве интересира

Орбан: Трамп ја изеде Урсула за појадок

Фон дер Лајен: Светот влегува во доба на трајни геополитички промени

А1он

Фон дер Лајен во Токио: Светот нема да се врати на стариот начин, доаѓа ера на трајни геополитички промени

Фон дер Лајен: Сцените на цивили убиени во Газа додека чекаат помош се неподносливи

Фон дер Лајен со порака до Москва: Нанесуваме удар во срцето на руската воена машина

Горан Наумовски

Сиљановска-Давкова го прими албанскиот претседател Бегај во Охрид

А1он