Мировниот корпус со поддршка за развој на образованието

Американскиот мировен корпус во земјата и годинава ќа ангажира волонтери кои е предвидено да се вклучат во работата на основните и средните училишта во земјата, со цел придонес кон подобрувањето на квалитетот на наставата, особено на часовите по англиски јазик.

Ова беше истакнато на средбата помеѓу министерот за образование и наука, Арбер Адеми, и Марк Хенфин, директорот на Мировениот корпус, и Дејвид Рут, програмскиот директор на Мировниот корпус за Македонија.

За време на разговорот министерот Адеми истакна благодарност за досегашната соработка, но и задоволство што Мировниот корпус останува искрен партнер на Македонија во остварувањето на целите од националните стратешки документи, меѓу кои и Стратегијата за образование 2018 – 2025 година.

Мировниот корпус е американска невладина организација посветена на светскиот мир и дружење. Организацијата работи преку волонтери кои две години живеат и работат во локалните заедници. Основана е во 1961 година од страна на претседателот Џон Ф. Кенеди.

Во изминатите 22 години повеќе од 7.200 граѓани волонтери на САД ги спроведуваа принципите на Мировниот корпус во Република Македонија и даваа придонес во напорите за подобрување на состојбите во образованието, во развојот на дијалогот меѓу заедниците и промоцијата на државата.

Би можело да ве интересира

Адеми: Не сум заинтересиран за козметичка туку за суштинска реформа на образованието

Ана Ололовска

Адеми: Известувањето за сведителствата е согласно уставните одредби

Ана Ололовска

Министерство за образование: Нема да дозволиме ниеден ученик да остане на улица

Ана Ололовска

Адеми: Преговараме со Светска банка за подобри услови во основните училишта

ВИДЕО: Дуалното образование од експериментален ќе стане системски концепт

Ана Ололовска

Основците нема да учат во саботи, ако треба ќе се продолжи учебната година

Ана Ололовска