Министерски работен ручек на маргините на Самитот на Брдо Бриони Процес

Од:

На маргините на денешниот Самит на Брдо Бриони Процесот на кој оваа година домаќин е Република Македонија, Министерот за надворешни работи, Никола Димитров приреди работен ручек за присутните министри за надворешни работи од земјите учеснички во Процесот и претставници на специјалниот гостин, претседателот на Европски Совет, Доналд Туск. На ручекот учествуваа и претставници од британското МНР, како домаќини на претстојниот Самит на Берлинскиот Процес кој оваа година се одржува во Лондон.

Министерот Никола Димитров се осврна на Брдо Бриони Процесот, и во тој правец истакна: „Колку повеќе зборуваме со еден глас и си помагаме едни со други во регионот, толку побрзо ќе одиме сите напред. Натпреварот во реформи, во тоа што има значење за нашите граѓани денес и утре, е единствениот политички натпревар што му треба на Балканот.”

Продолжувајќи понатаму, тој ги претстави очекувањата на Република Македонија за постигнување на напредок во пристапниот процес и задоволство што Европската комисија ги препознава досега постигнатите реформски резултати и добиената препорака за почеток на пристапните преговори. Конечно, Министерот се осврна и на идните активности на Владата, во поглед на реформската агенда, но и во поглед на унапредување на добрососедските односи.

Дискусиите за време на работниот ручек беа фокусирани на новиот моментум создаден во нашиот регион, очекувањата од претстојниот период и предизвиците во светло на Стратегијата на ЕУ за Западен Балкан, објавените извештаи за земјите од страна на Европска Комисија, како и претстојните значајни Самити – Самитот во Софија на 17 мај и Самитот во Лондон на 9 и 10 јули. Беа разменети и ставови за иднината на регионалната соработка, за регионалната и европската стабилност и безбедност како и за економскиот раст и напредок.

Би можело да ве интересира

Милановиќ: Бугарија поставува невозможни услови, навлегува во интимниот простор на Македонците

Жарко Настоски

Лидерите од Западен Балкан со заедничка декларација: Итно да почнат преговори со Скопје и Тирана

Жарко Настоски

Заврши пленарната средба на лидерите од Западен Балкан на Брдо кај Крањ

Пендаровски: Проширувањето на ЕУ мора да продолжи во пост-ковид Европа

Пендаровски со Пахор и Милановиќ: Македонија е подготвена за преговори со ЕУ

Одложена средбата на Процесот Брдо-Бриони во Словенија идната недела

Жарко Настоски