Министерот без ресор Ахмедовски два часа го чекал кумановскиот градоначалник на средба, а тој не се појавил

Од:

Министерот без ресор, Аксел Ахмедоски, два часа го чекал кумановскиот градоначалник Максим Димитриевски на средба во Општината, но тој не се појавил, реагираат од Партијата за целосна еманципација на Ромите.

„Потпреседателот на партијата и актуелен министер, Аксел Ахмедоски, имал закажано средба пред една недела со грaдоначалникот на Кумaново, Максим Димитриевски. Во закажаното време министерот Ахмедоски стигнал во Општината, но градоначалникот се појавил по еден час. Тој се извинил дека имал средба на која морал да оди и рекол дека веднаш се враќа. По два часа чекање, градоначалникот го немаше, по што министерот се врати од Куманово“, се жалат од ПЦЕР.

Оттаму додаваат дека слично искуство со кумановскиот градоначалник Димитриевски имал и претходниот министер од истата партија, Самка Ибраимоски.

„Дали би се однесувал вака кога би дошол некој министер од неговата партија или дека министерот Ахмедоски е од ромската заедница, па нека чека. Вака држава не бидува, со ваква дискриминација на министер, немаме коментар. Димитриевски е целосно неодговорна личност и не ја почитува функцијата министер. Министерот не дојде да ве види, Максим, туку да сработи тоа што му е дадена обврска од Владата за локалните акциски планови. Констатираме дека вие не сакате да им помогнете на Ромите во Куманово што ви ги дадоа гласовите за да станете градоначаник. Бараме министерот за локална самоуправа да преземе законски мерки за некоректниот однос на градоначалникот на Куманово, Максим Димитриевски“, реагира ПЦЕР.

Би можело да ве интересира

ЈОРСМ: Дадена наредба за обдукција на починатиот притвореник од Затвор Куманово

Сообраќајка на автопатот „Пријателство“ – удрил во паркирани автомобил и камион

Анита Петровска Рајковиќ

Прогласена епидемија на голема кашлица во Куманово

Катерина Ѓуровски

(ВИДЕО) Самка Ибраимовски: Доста е да не водат семејни кланови и партиски потрчковци

Орце Костов

Дилер од Куманово со нож повредил полицаец

Горан Наумовски

19 годишник дивеел и кршел во полиција во Куманово, нападнал и полицаец