Општина Чаир ја поддржува граѓанската иницијатива за организација на мини-маратон во Чаир под мотото „Да трчаме за здравје”, која за цел има собирање на средства за деца болни од рак, во одделението за Онкологија и Хематологија во Скопје.
Датумот за одржување на минимаратонот е 5-ти мај (сабота) и ќе започне во 11:00 часот во Паркот на Чаир со музички фестивал по што во 13:00 ќе следи минимаратонот во близина на маркетот „Веро“ и ќе продолжи кон улицата „Кемал Сејфула” до „Поликлиника Чаир” и ќе заврши во Паркот на Чаир.
Учесници на овој маратон ќе бидат сите основни и средни училишта во Општина Чаир како и унијата на средни училишта, унијата на студенти, пејачи, актери и јавни личности, различни приватни компании и др, како и сите граѓани кои сакаат да се приклучат на оваа хуманитарна акција, соопштуваат од Општина Чаир.