За време на преговорите на работните групи вчера, се договоривме законот за прислушувани материјали да биде отворен за дополнителна доработка во која што ќе бидат вклучени амандмани на опозицијата“, изјави пратеникот на ВМРО-ДПМНЕ, Антонио Милошоски, денеска пред средбата на работните групи.
Освен ова, било договорено во рамки на преговорите да се договори и закон кој што ги третира така наречените свиркачи.
Милошоски вели дека преговорите се прилично напорни и тврди дека опозицијата често ги менува стојалиштата.
Според него, СДСМ се откажала од една изборна единица и со согласила следните избори да бидат организирани со постоечкиот изборен модел.
Наводно СДСМ се откажале и од активна регистрација на гласачите. Според Милошоски преговорите денеска ќе продолжат на првата точка, на која што вчера заглавиле, односно на прочистувањето на избирачкиот список.
Пратеникот од СДСМ, Шилегов за новинарите, денеска во Собранието, рече дека до вечер законот треба да биде повлечен од собраниска процедура.
Маја Васева