Знаењето е сила, знањето е моќ. Здравје во секој дом, здравје за секој граѓанин. Вложувањата во образованието се вложувања во иднината на нашите деца и нивно формирање како здрави личности, кои ќе бидат подготвени за современите предизвици на животот, напиша на Фејсбук, Митре Милошевски – кандидат за градоначалник на Охрид од ВМРО-ДПМНЕ.
-Токму затоа, ние на огромно задоволство ќе го спроведеме проектот: БЕСПЛАТНА ЗДРАВА ХРАНА ЗА УЧЕНИЦИТЕ ОД
ПРВО ДО ПЕТТО ОДДЕЛЕНИЕ!
Со имплементирањето на овој проект, ВМРО-ДПМНЕ директно овозможува да се субвенционираат младите семејства кои имаат дечиња и им учат од прво до петто одделение. Истовремено се поттикнуваат учениците да практикуваат здрави навики, навремено да се исхрануваат и да користат разноврсни продукти полезни за нивниот раст и развој.
Целта на проектот е избегнување на брзата храна и воведување на нови стандарди и практики. Родителите го штедат домашниот буџет, а се спокојни во однос на тоа со каков квалитет на храна се исхрануваат нивните деца. Само образовано население со здрави навики може соодветно да им одговара на предизвиците од модерното општество.
ВМРО-ДПМНЕ како и секогаш е на страна на граѓаните и одлуките кои ги носи, ги носи единствено во полза на охриѓани. Препознавајќи ја работата охриѓани заокружувајќи го бројот 5, на 21 април ќе ја дадат поддршката за убав Охрид. За убав Охрид, Охрид повикува!, пишува Милошевски на Фејсбук.