Сашо Мијалков со силно полициско присуство беше донесен во Кривичниот суд. Од домот на Водно каде издржува куќен притвор, тој беше спроведен со полициско комбе.
Придружуван беше од десетина полицајци, кои го следеа комбето со три возила.
Мијалков молчешкум помина покрај новинарите, без да одговори дали очекува осудителна пресуда. Кога влезе во холот на судот, се поздрави со судската полиција, а во холот каде стоеа бројни новинари и јавност која ќе го следи судењето, настана молк.