Мицкоски во Карпош: Никој не извршил упад во правосудниот систем, како што го прави тоа Заев

Од:

Претседателот на ВМРО-ДПМНЕ, Христијан Мицкоски вечерва бил во посета на ОК на ВМРО-ДПМНЕ Карпош, каде остварил средба со голем број на членови и симпатизери на партијата, соопштија од Центарот за комуникации на ВМРО-ДПМНЕ.

За време на средбите тој го коментирал последниот скандал со прислушувањето на обвинителството и судството кое, како што тој тврди, се случувало во време на министерувањето на Спасовски и целиот период од владеењето на премиерот Заев.

Од Центарот за комуникации посочија дека Мицкоски на своите сопартијци им посочил дека никој во историјата на Македонија не извршил таков упад во правосудниот систем како што тоа сега го прави Заев, и сега она што се случува не е само уценето обвинителство и судство туку и нарачани и притиснати сведоци кои ќе сведочат по нарачка.

„Ние сме сведоци на нов модел на „Кацарска судство“ кое што го брендиравме и „Рускоска обвинителството“, но денеска еве сведоци сме дека покрај „Кацарска судството“ и „Рускоска обвинителството“ имаме и нарачани сведочења од страна на луѓе кои што сведочат за потребите на Зоран Заев и на групата околу него“, потенцирал Мицкоски пред сопартијците.

Тој истакнал дека СДСМ има две цели, од кои едната – да ја забрани ВМРО-ДПМНЕ како политичка партија и да го забрани нејзиното битисување преку монтирани политички случаи. Втората цел, како што тврди Мицкоски, е да се дефокусира јавноста од сите скандали и нереализирани ветувања.

Би можело да ве интересира

Мицкоски: Лукроски е вистинскиот избор за Карпош, него го знам колку што се знам себе си, и најдобро знам за каков човек се работи

Горан Наумовски

СДСМ: Владата на ВМРО-ДПМНЕ свесно лажеше и остави луѓе да се трујат

Мицкоски: Кога светски експерт како Кедев кажува нешто, мора да има позадина – целосно ќе се проверат сите индиции, одговорност ќе има

Андоновска: Судијката Алексовска Стојановска, која го пушти Васил Јованов убиецот на Фросина во Поправен дом наместо во затвор, во својот дом имаше партиски штаб на СДС

СДСМ: Три месеци по ред се намалува просечната плата – стандардот на граѓаните опаѓа

ВМРО-ДПМНЕ: Kандидати за советници od СДС од Струмица крвнички тепаат странски државјани

Предраг Петровиќ