Лидерот на ВМРО-ДПМНЕ, Христијан Мицкоски порача дека неговата партија ќе го поддржи зголемувањето на минималната плата во парламентот, но истовремено ќе интервенира амандмански во законот и ќе побара доследно почитување на колективните договори и коефициентите на сложеност на работните места, кога се исплаќаат платите на сите вработени во администрацијата.
„Да има за сите, а помалку да има корумпираната Влада да краде. Очекуваме веднаш ребаланс на буџетот и зголемување на дотациите за општините од страна на Владата за целосно почитување на правата на сите вработени во образованието, градинките и администрацијата“ вели претседателот на најголемата опозициска партија.
Мицкоски вели дека тој и неговата партија очекуваат од СДСМ конечно да се оддели од политиките на Зоран Заев и да ја поддржи декларацијата за Ѓорѓи Делчев, и како што напиша барем еднаш да покажат дека навистина им значат македонските национални интереси, а не криминалот на кланот кој од позадина ја води партијата и владата.
