Мицкоски: Трите барања на Петков се порадикални од тие на Каракачанов

Од:

Трите барања на Петков се порадикални и од тие на Каракачанов, затоа што тој вели Декларацијата од парламентот која ако ја погледнете е асимилаторска и хегемонистичка, потоа Бугарите во Уставот и на крај вели Договорот за добрососедство, изјави претседателот на ВМРО-ДПМНЕ, Христијан Мицкоски одговарајќи на новинарско прашање по денешната прес конференција.

dobivaj vesti na viber

Мицкоски истакна дека нема некој нормален кој ќе ги прифати овие барања на Петков кој со ултра радикален национализам само се обидува да опстане на власт во Бугарија.

– Јас не знам кој нормален во Македонија тоа ќе го прифати. Не знам дали има таков човек, па дури и овие за кои мислиме дека се комплетно отсутни кога станува збор за националните интереси, дури ни тие не може да го прифатат. Ова што го гледам сега е обид на Петков да ја одржи каква таква коалицијата во Бугарија со ултра радикален национализам, се гледа дека човекот политички лута. Од либерал кој ни се претставуваше тука дека има отворени сфаќања дека ја гледа европската перспектива до сега ултра тврди националистички барања, изјави Мицкоски.

Мицкоски потенцираше дека тие барања на Петков се неприфатливи за ВМРО-ДПМНЕ и дека потребни се гаранции од Бугарија дека нема да има отворени прашања, но и да се поништи декларацијата изгласана во бугарскиот парламент.

– Додека не видиме гаранции на маса со кои се поништува резолуцијата од ноември 2019 година и исто како во 2008 година кога владата на Борисов бараше од владата на ВМРО-ДПМНЕ тогаш да напише на писмено дека нема отворени прашања за што владата на Борисов се сложи. Исто како кога Македонија влегуваше во НАТО, кога владата на Борисов велеше дека нема отворени прашања, таков еден документ треба да издадат за има основа да дискутираме за се останато, нагласи Мицкоски.

Мицкоски посочи дека се дотогаш нема поента на тие преговори, односно дека после оваа изјава не гледа причина зошто преговараме со Бугарија.

Би можело да ве интересира

СДСМ: ВМРО-ДПМНЕ предизвика катастрофа во Скопје, градот нема јавен превоз

Мицкоски: За 23 дена од ноември, увезена е струја од 23 милиони евра

Катерина Павлова-Николовска

Отворен новиот објект на бугарскиот Културно-информативен центар

Катерина Павлова-Николовска

Кузеска: Кој е ставот на Мизрахи по признанието на Мицкоски за континутитет со Ванчо Михајлов

Ковачевски: Апасиев и Левица се реална закана за европската иднина, Мицкоски е нивен заложник

Мицкоски за изборот на Абази: Јавна тајна е дека ова е партиско политички договор на власта

Катерина Павлова-Николовска