Лидерот на ВМРО-ДПМНЕ Христијан Мицкоски вели дека нема ништо против заедничкото чествување со Република Бугарија на великанот на Македонската револуционерна борба и идеологот на македонската независност, ако се слави големиот Македонец и македонски син Гоце Делчев.
Мицкоски ова го истакна на обележувањето на 150-годишнината од раѓањето на Гоце Делчев.
„Ако се слави 150 годишнината од раѓањето на големиот Македонец и македонски син Гоце Делчев, немам против“, рече Мицкоски.
Бугарија не е подготвена на реципроцитет и признавање на македонското малцинство, а од нас бара вклучување на бугарското малцинство во македонскиот Устав вели Мицкоски.
Мицкоски додаде дека Бугарија исто така не е подготвена да ја тргне понижувачката фуснота за македонскиот јазик и да признае дека е засебен и различен од бугарскиот, но и го злоупотребува членството во ЕУ за да ја уценува Македонија за да прифати заедничка историја.
– Сакаат да се обидат и да ја злоупотребат положбата што се членка на ЕУ да не натераат да прифатиме дека од среден век од првото бугарско царство се до 1945 година имаме заедничка историја и сме биле еден народ, Бугари. Тоа нема никогаш да го прифатиме, потенцираше Мицкоски.