Лидерот на ВМРО-ДПМНЕ, Христијан Мицкоски преку Фејсбук побара ТВ дуелот со премиерот Заев да се одржи наредната среда на државниот сервис, Македонска Телевизија.
– Подготвен сум во текот на наредната недела, во среда, во 20.00 часот на јавниот државен сервис Македонска Телевизија, без ракавици и апсолутно држејќи се до вистината, да се оддржи дебата на која ќе разговараме за името, и не само за него, туку и за апсолутно лошата економска состојба, тешкиот живот на граѓаните, за бројните скандали и изневерените очекувања, напиша Мицкоски.
Тој додаде дека јавноста заслужува одговори и кажа оти нема што да крие, бидејќи во политиката влегол со чест, принципи и достоинство.
