Нема рационален човек во македонскиот парламент и што и сака добро на Македонија, а да не сака избори рече денеска лидерот на ВМРО-ДПМНЕ, Христијан Мицкоски.
„Па, мислам дека не би имало човек во Парламентот, рационален човек кој што и сака добро на Македонија, а да не посакува избори. Но, оние полукриминални групи кој што, високото раководство на СДСМ и ДУИ ги контролираат и се дел од македонското подземје, веќе почнуваат да вршат притисок врз тие пратеници. Јас сум убеден дека тие ќе останат доследни, бидејќи борбата за Македонија нема цена, а криминалците еден ден ќе зажалат за ова што го прават“, рече Мицкоски.
И покрај притисоците кои што почнаа да им се вршат, Мицкоски изрази убедување дека овие пратеници, кои што пред се му посакуваат добро на државата, ќе ги издржат притисоците од криминалните структури и останат доследни на кажаното, бидејќи борбата за Македонија нема цена.