Новоизбраниот претседател на ВМРО-ДПМНЕ, Христијан Мицкоски денеска попадне во 16 часот во Владата ќе се сретне со премиерот Зоран Заев.
Претседателот на Владата, Зоран Заев, вчера му посака среќа на новиот лидер на ВМРО-ДПМНЕ и нагласи дека нема предрасуди да се сретне со него.
„Драго ми е што заврши конгресот на ВМРО-ДПМНЕ. Очекувам конструктивен процес и критички осврт на опозицијата. Немам предрасуди да се сретнам со Мицкоски. Засега немаме договорено средба, но би го поканил да се сретнеме во првата можна пригода“, рече Заев.
Заев додаде дека учеството на ВМРО-ДПМНЕ во законодавниот дом е важно, со оглед на тоа што доаѓаат двотретински закони за кои се потребни пратениците на опозицијата.
