(ВИДЕО) Мицкоски: На 12 април ќе победи Обновата за Македонија

Од:

Предвремените избори се неминовни по она што се случуваше во земјата, изјави лидерот на ВМРО-ДПМНЕ, Христијан Мицкоски, по лидерската средба што вечерва се одржа во вилата „Водно“ на иницијатива на претседателот Стево Пендаровски.

Тој нагласи дека сега следуваат предвремени избори, по кои, како што рече, ќе следи обнова на Македонија и бескомпромисна работа со цел „Македонија да ја ставиме на брза лента“.

Мицкоски истакна дека сега имаме нова реалноста и од 3 јануари 2020 година ќе имаме нова влада, но додаде дека засега не станало збор за кадровски решенија во овој кабинет.

– Разговаравме за предвремените парламентарни избори коишто се неминовност после ова што се случуваше, а тоа е нели оној дебакал којшто го доживеа владата предводена од Зоран Заев и СДСМ. Практично поразени се арамилукот, поразени се неправдите, поразени се сите оние криминални афери коишто се случуваат во изминатиот период . Следуваат предвремени парламентарни избори. На тие предвремени парламентарни избори победува обновата на Македонија, а потоа засукување на ракави и безкомппромисна работа секој ден за да можеме да го постигнеме сето она коешто е изгубено во овој период и Македонија да ја ставиме на брза лента за да стане дел од европското семејство, изјави Мицкоски.

Првиот човек на ВМРО-ДПМНЕ додаде дека на средбата имале плодна и квалитетна дебата, и заклучиле дека сите лидери остануваат посветени на европската интеграција и членство во НАТО, бидејќи како што рече „нема друга алтернатива за Република Македонија“.

– Имавме плодна и квалитетна дебата во првиот дел ги реафирмираа сите учесници на средбата ставовите дека остануваме посветени на евроатланската интеграција на Република Македонија, членството во НАТО Алијансата и се разбира работењето понатаму во иднина за добивање дата за отпочнување на преговори со ЕУ. Тука не постоеше дилема кај никој од учесниците и мислам дека друга алтернатива за Република Македонија и не постои практично и мислам дека тоа на новинарите им беше кажано од страна на претседателот на државата, рече Мицкоски.

Би можело да ве интересира

Курти: Избори ќе има во јули во Северна Македонија, треба да се организираат и во Косово

А1он

Заев: Нова лидерска средба може да се одржи најдоцна до крајот на мај

А1он

Додик: Одлуката за одложување на изборите во БиХ е нелегитимна

А1он

Димитров: Има комуникација за постигнување консензус за датум за избори

А1он

Босна ги одложи изборите за 15 ноември, не обезбедиле пари за нивно одржување

А1он

Заев бара избори за да може институциите да бидат функционални во борбата со Ковид-19

А1он