Народот на Македонија покажа дека секој оној кој го потценува, прави голема грешка, порача лидерот на ВМРО-ДПМНЕ, Христијан Мицкоски по победата во првиот круг од претседателските избори на кандидатката Гордана Сиљановска-Давкова.
– Ветив дека ќе победиме со најмалку 100.000 гласови разлика, победуваме со повеќе од 170.000 гласови. Најлошо е кога човек ќе го потцениш, мислеа дека си имаат работа со мали деца. Но благодарение на народот покажавме дека Македонија ја има и ќе ја има уште многу долго време.
Се обидуваа да го делат народот, користеа структури од минатото на ВМРО-ДПМНЕ, но ние издржавме, ви благодарам од срце народе на Македонија – изјави Мицкоски.