Мицкоски ги прекори опозициските партии дека и по неколку дена не усогласиле став за Изборниот законик, СДСМ експресно му одговори

Од:

Премиерот Христијан Мицкоски изјави дека владејачкото мнозинство е подготвено да го прифати секој предлог на опозицијата за измените на Изборниот законик, доколку во него биде содржано и решението за гласање на дијаспората, со цел земјата да ги исполни реформските обврски до средината на јули.

Тој рече дека пратениците од власта имаат усогласен став и дека се подготвени да прифатат предлози за една изборна единица, измени во финансирањето на партиите и други решенија, доколку опозицијата постигне заеднички став.

„Кажете што сакате, ставете го на хартија, ние ќе го прифатиме. Само да биде содржано гласањето на дијаспората“, изјави Мицкоски при посетата на Битола.

Според него, Изборниот законик е последната од десетте реформи што државата треба да ги заврши во рамки на реформската агенда, а рокот е продолжен до 15 јули.

Мицкоски оцени дека сегашниот начин на гласање на иселениците не им овозможува реално да го остварат избирачкото право, особено на граѓаните што живеат во Австралија, Канада и другите прекуокеански земји. Тој ја обвини Левица дека го блокира процесот и рече дека партијата „прави театар за мал број гласачи“, а посочи и дека СДСМ поднела голем број амандмани.

Премиерот повтори дека сè уште нема усогласен предлог од опозициските партии.

На изјавите на Мицкоски реагираше СДСМ, од каде обвинија дека вистинската цел на власта не се изборните реформи, туку, како што наведуваат, „изборен грабеж“ преку гласањето на дијаспората.

Од опозициската партија тврдат дека предложените модели за електронско гласање и гласање по пошта не содржат доволно механизми за контрола и гарантирање на изборниот интегритет.

„Кажуваме, сакаме да не ги крадеш гласовите на граѓаните на избори преку дијаспората“, порачаа од СДСМ.

Од партијата оценуваат дека Мицкоски ја користи реформската агенда како оправдување за, како што велат, неспособноста да ги исполни евроинтеграциските обврски и сметаат дека токму власта е одговорна за недостигот од политички консензус за Изборниот законик.

СДСМ најави дека ќе се спротивстави на секое решение што, според нив, отвора простор за изборни злоупотреби и ќе го брани гласот на граѓаните.

Би можело да ве интересира

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

Левица бара одговорност од полицијата, Обвинителството и судот за постапувањето во случајот со претепаната Сара од Охрид

Левица: ДПМНЕ ќе решавале големи државни прашања, а не можат ни со кравите и Стојна да се справат

А1он

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски