(ВИДЕО) Мицкоски до власта: Опаметете се, Делчев е нашата тврдина и не отстапуваме ни педа

Од:

„Опаметете се! Делчев е нашиот последен бастион, нашиот Мечкин Камен, нашата тврдина и нема да отстапиме ниту една педа од неа. Делчев обединува, а Заев разединува, но мафијата не е посилна од вистината. Ајде заедно да кренеме глас и да си ја сочуваме државата која ќе биде гордо и достоинствено место за живеење“.

Ова е главната порака на лидерот на опозициската ВМРО-ДПМНЕ од вечерашниот протестен марш во Скопје, кој партијата го најави како „за поддршка на членството во ЕУ, за Македонија и за Гоце Делчев“.

Тој ја обвини власта дека е лицемерна и дека е против ЕУ и европските вредности.

„Зоран Заев е се што е спротивно на Европската унија. Четири години го лаже народот со некакви лажни европски вредности. Распродаваа, понижуваа и разграбуваа. Тие се мафија, на која што воопшто не ѝ е грижа за ЕУ и вредностите. Сега сакаат да го продадат и Гоце, за да си продадат уште некоја лиценца за марихуана, да диктираат судски постапки, да го ограбуваат народот и да склопуваат бизниси со антиевропски бизнисмени. Затоа што овде, за разлика од ЕУ, се лежи затвор за украдена кутија цигари, а на слобода се сторители на сообраќајни несреќи со смртни последици. Заев не е иднината и не е европската перспектива,“ рече Мицкоски пред насобраните симпатизери.

Во своето обраќање, Мицкоски упати благодарност до македонскиот експертски тим од историчари, кои според него „лавовски се борат за зачувување на нашите историски вредности и личности и култура.“

Лидерот на ВМРО-ДПМНЕ ги повика граѓаните на уште помасовни протести, затоа што, како што рече, само така ќе успееле да ја спасат Македонија како држава, а не да биде територија.

Би можело да ве интересира

(ВИДЕО) Арсовски: Кирацовски призна на Суд дека бил на состанок за Старечки дом со Силјан Мицевски, Боки 13 и Наташа Петровска

Ана Ололовска

(ВИДЕО) Стефановски: Над 100.000 граѓани живеат со 50 денари на ден и немаат за леб, а Заев троши милиони за кондоми

Ана Ололовска

(ВИДЕО) Николоски: Поради неспособноста на Заев милиони тони грозје скапува по нивите

Ана Ололовска

ВМРО-ДПМНЕ: Владата нема реализирано ниту 30 проценти од досегашните три сета на мерки

Ана Ололовска

(ВИДЕО) Стојаноски: Филипче доскорешниот прв КОВИД центар го доведе до финансиски колапс

Ана Ололовска

ВМРО-ДПМНЕ: Со народот ќе ја победиме мафијата на власта и ќе дојде правдата во Македонија

Ана Ололовска