Претседателот на ВМРО-ДПМНЕ, Христијан Мицкоски на денешната прес-конференција кажа дека разговарал со поранешната шефица на СЈО, Катица Јанева за имотот на партијата, кој е под истрага во еден од предметите на СЈО.
Како што тврди Мицкоски таа барала поддршка на законот за СЈО за да се одмрзне партискиот имот.
За ова, рече тој, подготвен е да сведочи.
За вчерашното апсење Мицкоски вели дека е голем октопод, втор криминален од обвинители поддржани од власта.
– Акцијата е театар за да се спасат вистинските криминалци, за да се заштити Катица Јанева. Врвот на власта седи зад овој скандал, рече Мицкоски.
„Компромитираното СЈО е завршена работа, а сега треба да има притвор за Катица Јанева и сите вмешани, зошто исполнети се сите услови за ваква мерка. Има можност за повторување на делото зошто Јанева уште е прв човек на СЈО, има можност за бегство и за влијание“, вели претседателот на ВМРО-ДПМНЕ.