Kоординаторот на пратеничката група на ВМРО-ДПМНЕ во Собранието и член на ИК на партијата, Никола Мицевски оствари средба со амбасадорот на ЕУ во Република Македонија, Самуел Жбогар.
На состанокот беше разговарано за реформските закони кои и претстојат на Република Македонија во иднина, од областа на правосудството, подобрување на етичкиот кодекс и деловникот за работа на Собранието во состав на процесот „Жан Моне“.
Мицевски и Жбогар разговараа и за очекуваната посета на пратеници од европскиот парламент на крајот на февруари.
Мицевски го запозна својот соговорник за забелешките на ВМРО-ДПМНЕ во однос на злоупотребата на европското знаменце при носење на законот за двојазичност во Собранието, високото ниво на корупција, кое е забележано и од меѓународни институции како Транспаренси, неработата на оваа влада, која се гледа и преку слабото ниво на реализација на капиталните инвестиции за 2018 година, но и за назадувањето на економијата во целост.
Мицевски го информираше Жбогар и за барањето на ВМРО-ДПМНЕ за предвремени парламентарни избори заедно со претседателските, како единствен начин за разрешување на хаосот во кој е втурната општеството поради неработата на власта.